Соңғы уақытта кәмелетке толмағандардың қатысуымен болған жол-көлік оқиғалары жиілеп кетті, — деп хабарлайды AqtobeMedia.kz
Облыстық полиция департаментінің мәліметінше, жыл басынан бері облыс жолдарында балалардың қатысуымен 14 жол-көлік оқиғасы орын алып, 16 бала зардап шеккен. Сондай-ақ 6 адам қаза тапқан.
Мәселен, ағымдағы жылдың 21 ақпанында Самара-Шымкент автожолында жол-көлік оқиғасы орын алып, әкесі мен үш бала қаза тапты.
4 наурызда Шалқар-Бозой автожолының 4-ші шақырымында «Тойота Ленд Крузер» автокөлігін басқарған кәмелетке толмаған бала рульді басқара алмай, көлік аударылды. Нәтижесінде кәмелетке толмаған екі қыз қайтыс болды. Жарақат алған балалар ауруханаға жеткізілді.
Жол-көлік оқиғасының негізгі себептері — жүргізушілердің жол қозғалысы ережелерін бұзуы, атап айтқанда жылдамдықты арттыру және қарсы жолаққа шығу.
Полиция департаменті ата-аналарды кәмелетке толмаған балаларының мінез-құлқын бақылауға және олардың көлік құралдарын басқаруына жол бермеуге шақырады.
Тағы да
Үйлерін су басқан Қаратал ауылының тұрғындары қазіргі жағдайын айтты
100 жаңа жоба көрмесінде ақтөбелік қолөнер шеберлері өз туындыларын ұсынды
Ақтөбелік әйел араб көйлегін алам деп алданып қалды