Дрон арқылы жол ережесін бұзған жүргізушілер анықталды
Ақтөбеде дронның көмегімен бір тәулікте жол ережесін бұзған 8 жүргізуші анықталды, — AkтobeMedia.kz.
Ақтөбе облысы ПД Патрульдік полиция ротасының қызметкерлері жол-көлік оқиғаларының алдын алу бойынша рейдтік және профилактикалық іс-шаралар өткізді.
Республикалық «Самара-Шымкент» тас жолының бойында тәртіп сақшылары дронды пайдаланып кешенді жұмыс жүргізді.
Әуе арқылы іске қосылған бейнебақылау құрылғысы жол ережелерін өрескел бұзған және қарсы жолаққа шыққан жүргізушілерді анықтауға көмектесті. Нәтижесінде тәулік ішінде 8 жол қозғалысы ережесін бұзушы анықталды.
Жүргізушілерге қатысты ҚР ӘҚБтК 596-бабының 2-бөлігі бойынша » Көлiк құралын жолдың жүру бөлiгiнде орналастыру, қарсы жүрiп өту немесе басып озу қағидаларын бұзу, сол сияқты ұйымдасқан көлiк колоннасын немесе жаяу колоннаны кесiп өту ережелерін бұзу» бойынша 8 әкімшілік хаттама толтырылды.
Сондай-ақ, іс-шара аясында полицейлер автокөлік жүргізушілеріне жол қозғалысы ережелерін сақтау және қарсы қозғалыс жолағына шықпау керектігін еске салды. Болашақта мұндай іс-шаралар апатты-қауіпті учаскелерде жалғасатын болады.
Тағы да
Үйлерін су басқан Қаратал ауылының тұрғындары қазіргі жағдайын айтты
100 жаңа жоба көрмесінде ақтөбелік қолөнер шеберлері өз туындыларын ұсынды
Ақтөбелік әйел араб көйлегін алам деп алданып қалды